HINDI na nakatanggi si Pangulong Ferdinand “Bongbong” Marcos Jr. na bumirit sa kanta ng sikat na balladeer na si Basil Valdez na “You.”

Sa isang simpleng pagtitipon sa Palasyo ng Malakanyang, hindi na nakaiwas ang Pangulo nang bigyan ng mikropono para kumanta.

Nagbiro naman ang Pangulo na maniningil na siya oras na pakantahing muli.

“’Cause it’s you, who fills the emptiness in me. It changes everything, you see. When I know I’ve got you with me,” bahagi ng kanta ni Pangulong Marcos.

Una nang sinabi ni Pangulong Marcos na hangad niyang maging masaya ang Pasko ng bawat Filipino sa kabila ng mga pagsubok sa buhay.

Partikular na tinukoy ng Pangulo ang sunod-sunod na bagyo na tumama sa bansa.