AWAY sa pagitan ng grupo ng mga nagpapatrolyang pulis at isang banda ng New People’s Army (NPA) sa Northern Samar naiwang patay ang isang police lieutenant noong Lunes ng umaga.

Pinangunahan ni Lt. Kenneth Tad-awan ang pagpapatrolya ng pulisya sa Barangay Look sa Lapinig, Northern Samar nang makasagupa ang mga rebelde dakong alas-6:40 ng umaga noong Lunes.

Ang batang opisyal ay nabaril nang magpaulan ng bala at namatay.

Nagluksa ang Philippine National Police (PNP) sa pagkawala ng magiting na pulis habang binisita ni PNP chief, General Dionardo B. Carlos, kasama ang bagong-luklok na Police Regional Office 8 (PRO8) director, Brigadier Gen. Bernard M. Banac sa burol ng namatay na pulis.

“Ipinaaabot namin ang aming taos-pusong pakikiramay sa pamilya ni Police Lieutenant Tad-awan, makatitiyak na agad naming ibibigay ang kinakailangang suportang pinansyal at iba pang benepisyong panlipunan para sa kanyang pamilya,” sabi ni Gen. Carlos.

Ayon sa ulat ng PRO8, isa si Lt. Tad-awan sa mga pinuno ng dalawang koponan mula sa PRO8 Regional Mobile Force Battalion’s 801st Maneuver Company na nagsagawa ng pagpapatrolya sa Bgy. Look.

Kalaunan ay nakipagsagupaan ang mga pulis sa mga gerilya. Kalaunan din ay natagpuan ng mga opisyal ang isang kampo ng mga rebelde na may ilang nakatagong improvised explosive device na ginagamit ng NPA para salakayin ang mga security force at maging ang mga sibilyan sa rehiyon.

Hanggang ngayon, nagsasagawa pa rin ng hot pursuit operations ang magkasanib na hukbo ng pulisya at Army laban sa mga tumatakas na makakaliwang armadong lalaki. Tiniyak din ni Brig. Gen. Banac sa lokal na mamamayan na ang lahat ng pagsisikap ay ginagawa upang matiyak ang kanilang kaligtasan at seguridad mula sa mga kamay ng NPA.