PATAY na at may tama ng mga bala sa tricycle sa Purok 5, Brgy. Gabihan, San Ildefonso, Bulacan ng matagpuan ang isang magsasaka.

Sa ulat kay Police Regional Office (PRO)-3 director Brig. Gen. Jean Fajardo, kinilala ang biktima na si Lolito Varela.

Ayon kay chairman Ferdinand Reyes, ipinaalam niya ang pamamaril sa kanilang lugar kaya nagpadala ng police team sa lugar.

Pagdating sa lugar ng mga pulis, natagpuan ang biktima na patay na sa loob ng kanyang tricycle.

Lumalabas sa inisyal na imbestigasyon na pauwi na ang biktima at pagdating sa provincial road biglang sumulpot ang hindi pa nakikilalang suspek na bumaril sa biktima ng maraming beses bago tumakas.