MULING bubuksan sa mga motorista ang southbound lane ng EDSA-Kamuning flyover sa Hulyo 23.

Ayon sa Department of Public and Works and Highways (DPWH) alas-5 ng hapon magsisimulang padaanan ang naturang lane na isinara upang makumpuni ang mga sira nito.

Sinabi ni DPWH-NCR District Engineer Eduardo Santos na mas maaga ang muling pagbubukas ng naturang bahagi ng flyover na naunang itinakda sa Hulyo 25.

Isinara ang southbound lane ng flyover noong Hunyo 25.

Dahil sa mga bitak ay pinasok ng tubig ang loob ng konkreto na siyang naging dahilan upang matanggal ang mga semento.

Umaabot sa 140,000 sasakyan ang dumaraan sa EDSA-Kamuning flyover araw-araw, ayon sa Metropolitan Manila Development Authority (MMDA).