SWAK sa selda ang 18-anyos na binata nang mahuli ng mga operatiba ng Manila Police District-Raxabago Police Station 1 dahil sa kasong murder noong Miyerkules sa Bagong Lipunan Bldg. sa Rawis St., Brgy. 118, Tondo, Maynila.

Nakilala ang suspek na si alyas Ameng, ayon sa ulat ni PLt. Col. Ronald de Leon, hepe ng MPD-Raxabago Station 1.

Sinabi ni MPD director P/BGen. Arnold Abad na bandang alas-6:03 ng gabi naaresto ang binata sa bisa ng warrant of arrest na inisyu ni Judge Dennis Mendoza, acting Presiding Judge, Regional Trial Court Branch 23 Manila.