Calendar
Ang mga nakumpiskang paputok sa suspek na nasita at natimbog lulan ng kanyang tricycle sa Sampaloc, Manila. Kuha ni JONJON C. REYES
Tricycle driver timbog sa mga bawal na paputok
ARESTADO ng mga operatiba ng Manila Police District (MPD)- Sampaloc Police Station 4 ang 35-anyos na tricycle driver dahil sa pagbebenta ng mga ipinagbabawal na paputok sa Leo St., Brgy. 578, Zone 56, Sampaloc, Manila noong Sabado.
Nahaharap sa kasong paglabag Section 2 at Section 3 ng Republic Act 7183 (An Act Regulating the Sale, Manufacture, Distribution and Use of Firecrackers and Other Pyrotechnic Devices) ang suspek na si alyas Mark Joseph, tricycle driver na taga-Sampaloc, Manila.
Bandang alas-8:45 ng gabi nasita ang suspek dahil sa dalang malalakas na paputok.
Natiklo ang suspek dahil sa mga Iligal na paputok tulad ng 9 na Judas Belt, 200 pieces ng kwitis, 17 Tuna o Goodbye Philippines, 19 na Kabase, 10 Higad, pitong bundle ng 5 Star (10 pieces per bundle), siyam na kahon ng Piccolo; isang pakete ng Big Bawang Special at dalawang kahong Pop-Pop.
Malamang na sa loob ng selda magdidiwang ng Bagong Taon ang suspek.
