TINAWAGAN ni US President Joe Biden si dating Sen. Ferdinand “Bongbong” Marcos Jr. upang batiin ito sa kanyang landslide victory sa katatapos na presidential elections.

Taus-puso namang pinasalamatan ni Marcos si Biden na inimbita pa nito sa kanyang inauguration.

“I have also invited President Biden to my inaugural on June 30, which could further fortify the relationship of the two countries,” sabi ni Marcos.

Nag-usap din umano ang dalawa kaugnay ng pagpapalakas ng relasyon ng Amerika at Pilipinas.

Kinumpirma rin ng White House ang pag-uusap ng dalawa na naganap alas-9 ng umaga sa Pilipinas.