Isang bagong milestone sa kanyang buhay ang ibinahagi ni Xian Lim sa Instagram.

Sa latest video na ipinost ng aktor ay makikitang nakapalibot sa kanya ang kanyang mga kasamahan sa aviation school habang sinasabitan siya ng epaulette sa balikat.

Mapapanood din sa video na binasa siya ng tubig ng mga kasamahan bilang tradisyon sa aviation school kapag ang isang student ay nakapag-solo flight na for the first time.

Kitang-kita nga rin sa video na masayang-masaya ang aktor.

“Earned my epaulette today. I can’t wait to show you all the footage. For now, sharing with you a little tradition after the first solo flight!

“Thank you @topfliteacademy @sahlandrew for this life changing journey. To more hours practicing in the sky capt. @chiclet.pecson and plenty more emergency procedures,” pahayag ng aktor.

Matatandaang inanunsyo ni Xian na nag-enroll siya sa isang flying school last September.

At kamakailan nga lang, ipinost niya sa kanyang IG ang kanyang first solo flight.

Caption niya rito, “First time in the pilot’s seat! Nothing compares to the thrill of taking flight and seeing the world from above. Here’s to new heights and unforgettable views.”