WALANG pagsidlan ng tuwa at pagmamalaki si Senator Ramon Bong Revilla Jr. at ang kanyang buong pamilya dahil ganap nang doktor ang anak na si Loudette.

Si Dra. Loudette ay nanumpa na bilang full-fledged physician noong Biyernes, Nobyembre 22, sa Philippine Convention Center (PICC).

Si Dra. Loudette ay nagtapos ng pre-medical studies sa Ateneo de Manila University at sa University of the East Ramon Magsaysay Memorial Medical Center (UERMMMC) naman para sa Doctor of Medicine degree.

Nakapasa siya ng Physicians Licensure Examination nitong Oktubre.

Ang kanyang achievement ay isang mahalagang yugto hindi lamang para sa sarili kundi sa buong pamilya Revilla na kasalukuyang nagbubunyi pa sa tagumpay niya.