TATLONG magkakapatid na may edad 1, 3 at 6-anyos ang namatay noong Biyernes matapos masunog ang kanilang bahay sa Purok 4, Brgy. Gatbuca Calumpit, Bulacan dahil sa napabayaang kandila.

Sa report kay Police Regional Office (PRO)-3 director Brig. Gen. Jean Fajardo, nagsindi ng kandila si Ann Torres, 32, ang ina ng tatlong biktima, dahil nawalan ng kuryente sa kanilang lugar.

Lumabas ang ina upang bumili ng gatas at sa kanyang pagbalik nakita niya ang usok na nagmumula sa kanilang bahay.

Humingi siya ng tulong sa mga opisyal ng barangay para apulahin ang apoy.

Matapos ideklarang fire out, nakita ng mga bumbero ang sunog na katawan ng tatlong bata.