TATLONG lalaki na pinaniniwalaang holdaper ang natiklo ng mga pulis sa Tomas Pinpin St., Sta. Cruz, Manila kamakalawa.

Nakilala ang mga suspek na sina alyas Ray, 32; alyas Jo, 26; at alyas Gerry, 24.

Ayon sa report, lulan ng e-trike ang tatlong biktima ng holdap nang harangin ng mga suspek na armado ng patalim at saka nagdeklara ng holdap.

Hinablot ng isang suspek ang bag ng isa sa biktima subalit nakatalon sa sasakyan kahit na umaandar kaya nakaladkad ang babae.

Doon na nagsimula ang komosyon at isa pang biktima ang tumalon din sa E-trike.

Nakatawag ng pansin ang sigaw ng mga takot-takot na mga biktima ng mga pulis ng Manila Police District kaya nahuli ang mga suspek.

Nahaharap ang mga suspek sa kasong robbery with violence against or intimidation of persons.