TUMAGAL lamang ng 20 minuto ang sunog sa isang bahay sa Navotas noong Biyernes, Nobyembre 4, subalit anim ang nasawi rito.

Kinilala ng Bureau of Fire Protection (BFP) ang mga nasawi na sina Donsito Boiser, 41, misis nitong si Reynosa Muscoso, 41-taong gulang, at mga anak na sina Raymond, 10-anyos, Arriana Boiser, 3-taong gulang at Reinna Boiser, 2-anyos, at ang pamangkin na si Natalia Boiser, 14-anyos.

Alas-5:21 ng umaga ng magsimula ang sunog sa bahay ng mga biktima sa Dalag st. kanto ng Tanigue st., Brgy. NBBS, Dagat-Dagatan, Navotas City.

Agad na nakaresponde ang mga bumbero at naapula ang apoy alas-5:44 ng umaga.

Nakulong umano ang mga biktima sa bahay at pinaniniwalaan na nasawi sanhi ng usok.