PITO ang sugatan matapos sumabog ang acetylene tank sa isang junk shop sa Quezon City noong Lunes.

Nagdulot ng sunog sa junk shop sa Mayon St., Brgy. Sta. Teresita dakong alas-2:15 ng hapon.

Batay sa imbestigasyon, nagpuputol ang mga biktima ng metal gamit ang acetylene tank nang biglang sumabog.

Isinugod sa ospital ang mga biktima matapos magtamo ng mga lapnos at mga sugat sa katawan.

Umabot sa ikalawang alarma ang sunog at naapula dakong alas-4:45 ng hapon.

Nasa P1.75 milyon ang halaga ng ari-arian na atupok ng apoy.