CARDONA, RIZAL — Hindi na nakapalag noong Biyernes ang 52-anyos na drug suspek matapos itong salakayin at piliting sumuko ng mga pulisy sa Sitio Tadlak, Brgy. Looc sa bayang ito.

Si alyas Go, na nakatala bilang Regional Most Wanted Person, ay naaresto sa bisa ng warrant of arrest na inisyu ng Binangonan RTC Branch 70 kaugnay ng paglabag sa RA 9165 (Illegal Drug Paraphernalia), ayon sa Rizal Provincial Police Office (RPPO).

Nagtulong sa operasyon ang Rizal PPO Intelligence Operatives at mga operatiba ng Cardona upang masakote ang suspek dakong 4:30 ng hapon.

Kasalukuyan nang nakapiit sa Tanay Municipal police station ang akusado.