INILUNSAD ngayong April 15, 2023 (Sabado) ni Congresswoman Marissa “Del Mar” Magsino ang “BIDA KABATAAN: Distribution of Sports Equipment to Children of OFWs” sa Paranaque City. Layunin ng programang ito ang maitanim ang pagmamahal ng kabataan sa sports at matugunan ang recreational needs ng mga anak ng ating OFWs para sa kanilang socio-emotional and mental well-being lalo na sa gitna ng pangungulila sa kanilang mga magulang na nagtatrabaho sa ibang bansa.

Sa tulong ng Philippine Sports Commission, nakatanggap ng basketball at football ang 100 na benepisyaryo. Sa patuloy na pagtutulungan ng OFW Party List at PSC, inaasahan nating makaikot pa sa ibang mga komunidad para sa proyektong ito.