BIBISITA sa Pilipinas si Timor-Leste President José Ramos-Horta sa Biyernes, Nobyembre 10.

Layunin ng pagbisita ni Pangulong Ramos-Horta na mapalakas ang bilateral relations sa pagitan ng Pilipinas at Timor-Leste.

Tatalakayin umano sa pag-uusap ni Pangulong Ramos-Horta at Pangulong Ferdinand R. Marcos Jr. ang mga lugar kung saan maaaring magkaroon ng kooperasyon ang dalawang bansa gaya ng edukasyon at ekonomiya.

Noong Mayo ay nagkaroon ng bilateral meeting ang mga opisyal ng Pilipinas at Timor-Leste sa sidelines ng 42nd Association of Southeast Asian Nations (ASEAN) Summit na ginanap sa Indonesia.