DEDO kamakalawa ang isang lalake matapos pagbabarilin ng mga di-kilalang salarin sa kahabaan ng kalye sa Riverside, Brgy. San Jose, Rodriguez, Rizal.

Ang biktima na nagtamo ng mga tama ng bala sa iba’t-ibang parte ng katawan ay kinilala na si Jay Ilano.

Ayon sa Rodriguez police naganap ang pamamaril alas-4:10 ng hapon.

Sa paunang pagsisiyasat napag-alamang minamaneho ni Ilano ang kanyang tricycle at tumatakbo sa nabanggit na lugar ng insidente nang biglang sumulpot ang mga suspek at pinaputukan ng ilang beses gamit ang isang hindi pa mabatid na kalibre ng baril na naging sanhi ng kanyang agarang pagkamatay.

Matapos ang insidente, mabilis na tumakas ang mga suspek na kinilalang sina alyas Blackmask at isang John Doe patungo sa E. Rodriguez Highway, Brgy. San Jose.