SA kauna-unahang pagkakataon, nagkasama sa Sorsogon sina Pangulong Ferdinand “Bongbong” Marcos Jr. at dating Vice President Leni Robredo.

Ito ay para sa inagurasyon ng Sorsogon Sports Arena.

Mahigpit na nagkatunggali sina Marcos at Robredo noong 2016 vice presidential elections. Tinalo ni Robredo si Marcos sa vice presidential race.

Muling nagharap sina Marcos at Robredo noong 2022 presidential elections. Tinalo ni Marcos si Robredo sa presidential race.

Kasama ni Robredo na nag-welcome kay Pangulong Marcos sa Sorsogon si senatorial aspirant Bam Aquino.

Ayon kay Senate President Chiz Escudero, siya ang nag-imbita kay Robredo na i-welcome si Pangulong Marcos.

Base sa video, makikitang kinamayan ni Pangulong Marcos sina Robredo at Aquino.

Gayunman, hindi na umakyat sa entablado si Robredo.

“She welcomed the President at the entrance of the sports arena,” pahayag ni Presidential Communications Office Secretary Cesar Chavez.

“Katabi ni former VP Leni si former Senator Aquino sap ag-welcome kay Pangulong Marcos,” pahayag ni Chavez.