NAGPAKITANG gilas si Larry Loteyro upang masungkit ang korona sa 8th Samahang Plaridel golf championships sa Villamor Air Base Golf Club sa Pasay City kamakailan.

Nagtala si Loteyro, na kumatawan sa pangunahing IT services provider ActionLabs, ng low gross score na 78 upang makamit ang kampeonato sa prestihiyosong event na itinaguyod ng Association of Philippines Journalists Samahang Plaridel Foundation, Inc, sa pakikipagtulungan ng PAGCOR, PCSO, San Miguel Corporation. Philippine Sports Commisison at JD Legaspi Construction.

Nanguna sina PSC Chairman Richard Bachmann at PCSO Chairman Felix Reyes sa ceremonial tee-off, kasama sina APJ-Samahang Plaridel president Evelyn Quiroz, Atty. Ric Diaz ng NBI at Engr. Mike Marquez.

Si Quiroz din ang nag-abot ng mga tropeo at iba pang mga prizes sa mga pangunahing kalahok, katuwang si Samahang Plaridel Vice President Andy Sevilla.

Nakahati sa karangalan si Rizal Provincial Board member Fernando Jun Cabitac, na nagwagi ng low net championship sa kanyang 80 at longest putt sa Hole No. 18.

Ang iba pangmga nanalo sa kumpetisyon na sinuportahan din nina House Speaker Martin Romualdez, Rizal Park Hotel, Construction Workers Solidarity (CWS) Partylist, at Philippine Airlines ay sina Jojo Castro bilang Class A champion na may gross score na 78 at Christian Adrenida na Class A runner-up sa iskor na 82; Emmanuel Delima bilang Class B champion sa kanyang 91 at Don Lerit na Class B runner-up sa 91; at Mark Reyes bilang Class C champion na may 101 (72) at Reuben Terrado na Class C runner-up na may 100 ( l73).

Ang iba pan gmga naguwi ng special awards ay sina Jun Engracia, Nearest to the Pin sa No. 12 (17 feet); Jun Hyun Park , Longest drive sa No. 18 (290 yards); and Delima, Most Accurate Drive sa No 9 (seven inches).

Ang iba pang mga tagapagtaguyod ng naturang fund-raising event ay sina Senate President Chiz Escudero, Sen.Win Gatchalian, Cong. Ace Barbers, Cong. Erwin Tulfo, Cong. Salvador Pleyto, Cong. Mike Defensor, Sec. Benhur Abalos, Mayor Isko Moreno, Meycauayan Mayor Henry R. Villarica, Sta. Rosa City, Laguna Mayor Arlene Arcillas, Gov. Abdusakur Mahail Tan, Apat Dapat Partylist, ICTSI, Basic Environmental Systems and Technologies, Inc., Starpay Corporation, Metro Pacific Investment, Metro Tollways Corporation, SOGO Hotel, Go For Gold, Actionlabs, Hatasu, SylPaulJoyce, Luxuriant Automotive Group, Suzuki, Isuzu, Grab, JBL, Blade, Autohub, BCDA, Clean Fuel, Gateway, Autobot, Subaru at Honda.

Naging mga hole-in-one sponsors ang Jetour, Autohub at Junior Golf Foundation of the Philippines habang media .partners ang Manila Standard at Market Monitor.