SIYAM ang sugatan at aabot sa P250,000 ang halaga ng mga ari-arian na naabo sa sunog na tumupok sa 15 kabahayan sa Tondo, Manila noong Lunes.

Sa imbestigasyon ng Bureau of Fire Protection (BFP), nagmula sa ikaapat na palapag ng residential area na gawa sa mga light materials ang sunog sa 1320 C-19 C.P Garcia St., Road 10, Brgy. 123, Moriones, Tondo.

Umabot sa ikalawang alarma ang sunog bago napatay ng mga bumbero.

Ayon sa BFP, 15 kabahayan ang natupok ng apoy at nasa 45 pamilya ang apektado ng sunog.