NAPILI si Inquirer sports editor Francis T. J. Ochoa bilang bagong president ng Philippine Sportswriters Association (PSA), ang itinuturing na oldest media organization sa buong bansa.
Papalitan ni Ochoa si Philippine Star sports editor Nelson Beltran, na matagumpay na nanguna sa sportswriters group sa nakalipas na mga taon.

Makakasama ni Ochoa sina Jasmine W. Payo ng Rappler bilang vice president; Ramon Bonilla ng Manila Bulletin bilang secretary general, Gerry Ramos ng Spin.PH bilang treasurer; Ramil Cruz ng Abante Tonite bilang auditor; at Emil Noguera ng Manila Times bilang assistant secretary.

Magsisilbi naman si Beltran bilang chairman of the board, na kinabibilangan din nina sports editors Dodo Catacutan (Spin.PH), Rey Lachica (Tempo), Jun Lomibao (Business Mirror), Riera Mallari (Manila Standard), Jimmy Cantor (Malaya), Celest Flores-Colina (Inquirer. net), Dino Maragay (PhilStar. com), Julius Manicad (Daily Tribune), Ed Andaya (People’s Tonight), Ferds de los Santos (Abante) at Beth Repizo (Pilipino Star Ngayon) at assistant sports editors Musong R. Castillo (Philippine Daily Inquirer) at Abac Cordero (Philippine Star).
Itatakda ang panunumpa ng mga bagong PSA officers sa mga susunod na araw.