NAHULI ng mga pulis ang 21-anyos na lalaki dahil sa kasong acts of lasciviousness sa Yuseco St., Brgy. 160, Tondo, Manila noong Linggo.

Naaresto ang suspek na si alyas Rafael base sa report ni Police Lieutenant Colonel Roberto Mupas, hepe ng Manila Police District Binondo police station 11, bandang alas-4:50 ng hapon.

Nahuli ang suspek sa bisa ng arrest warrant na inisyu ni Judge Roy Gironella ng Manila RTC Branch 43.

Ayon kay PLt. Col. Mupas, patuloy nilang paiigtingin ang pakikipagugnayan sa komunidad sa gabay ni MPD chief P/BGen. Arnold Thomas Ibay.