RODRIGUEZ, Rizal – Diretso sa rehas ang lalaki na nahulihan ng sangkaterbang baril at bala sa Blk 7, Lot 10, Khaki Street, Litex Village, Barangay San Jose, sa bayang ito noong Lunes.

Naaresto ang suspek na si alyas “Boy” ng mga pulis sa Rodriguez sa bisa ng search warrant para sa paglabag sa Republic Act No. 10591.

Narekober sa kanya ang isang shotgun, isang cal .38 revolver, isang cal .22 magnum, 45 na bala ng cal .38, 26 na bala ng 12-gauge shotgun, 23 bala ng cal .22 magnum at dalawang kahon ng halu-halong bala.