MAITUTURING na “defining civic moment that may either strengthen or weaken public confidence in the country’s justice system” ang impeachment trial ni Vice President Sara Duterte, ayon sa isang professor sa University of the Philippines (UP).

Para kay UP Assistant Professor at OCTA Research Fellow Ranjit Rye, magkakaalaman sa impeachment proceedings kung handa ang mga pulitiko na papanagutin ang isang elected official.

“If this is done right, this is going to be an educational experience apart from being a political process, a constitutional process for the everyday Filipino,” aniya.

“It will show the majesty of the political process in both the Senate and the House and it will imprint in the everyday Filipino of this generation,” dagdag ni Rye.

Ayon sa kanya, laganap na ang pag-aatubili sa buong bansa kung ipinatutupad ng patas ang mga batas at ang resulta ng impeachment trial ay maaaring makapagbawas sa negative perception o palalain pa ang sitwasyon.

“‘Ah, mayroon palang accountability, may pananagutan pala. Hindi pala totoo.’ Although marami naniniwala na hindi pantay-pantay ang hustisya sa ating bayan. So ito, monumental process ito, historic process ito,” saad niya.

Pinayuhan ni Rye ang mga senator-judges na dapat pairalin ang neutrality at professionalism sa pagtalakay sa kaso at huwag hayaan mangibabaw ang self-interest.

Para sa propesor, wala pang maituturing na formidable candidate para sa 2028 elections at “no single group maintaining clear dominance.”

Sapat na ito, para sa propesor, na dahilan para mangibabaw ang evidence-based deliberation at hind politics of personality.

“When you look at the latest OCTA surveys on the 2028 presidential race, hypothetical, nag-iiba na ’yung bansa. Hindi na siya dapat magiging basis for deciding who you should support in the impeachment because the country is changing already. It’s changed. Hindi na dominant ang isang group, that’s what the survey is basically saying,” paliwanag niya.

Hindi raw dapat seryosohin ang unang resulta ng survey kung saan nangunguna raw sina Leni Robredo at Sen. Raffy Tulfo sa preference ng botante, kumpara kina VP Sara Duterte at Sen. Imee Marcos.

“Taking one side because of politics actually might be a detriment to them long term because the country is moving in a different direction already,” ayon kay Rye.