GENERAL TRIAS, Cavite — Kinilala ng siyudad na ito noong Agosto 26 ang Analog Devices at 19 pang kumpanya bilang mga pinakamalaking nagbabayad ng buwis sa negosyo para sa 2024 at 2025.

Isinagawa ang pagkilala sa “Locators Night” na ginanap sa General Trias Unity and Civic Center Hall sa Brgy. Navarro.

Umabot sa mahigit P1 bilyon ang halaga ng buwis sa negosyo at real property na naiambag ng 20 kumpanya at establisimyento sa pamahalaan ng General Trias City noong 2024 at 2025.

Pinangunahan nina Mayor Luis “Jon Jon” Ferrer IV, Cavite 6th District Rep. Antonio Ferrer at City Treasurer Cecille Taglinao ang paggawad ng mga plake sa Top 20 na nagbabayad ng buwis sa negosyo at real property.

Nakamit ng Purefoods Hormel Corp ang unang pwesto sa loob ng limang taon pagdating sa pagbabayad ng Real Property Tax.

Sinundan sila ng Unilever Philippines, ProFriends Eagle Ridges Golf and Country Club, Megaworld Corp., Petvalue Philippines Corp., GT Capital Holdings, Majestic Technical Skills Dev’t and Landscape Corp, Banco De Oro, Magnolia Inc., San Miguel Properties, Federal Land, SMC Yamamura Fuso Molds Corp., Citihomes Builders and Development, Luzviminda Landholdings, Inc., Can Asia, RL Commercial Reit Inc., SM Development Corp., Gateway Property Holdings Inc., at Analog Devices Realty Holdings.

Ipinaliwanag ni Rep. Ferrer ang mga nakaplano at iminumungkahing proyekto sa kalsada habang kinakausap ang mga investor na dumalo sa seremonya ng paggawad ng parangal.

“I am highlighting these upcoming road projects to boost investor confidence and foster harmonious collaboration between the government and the business sector,” sinabi ni Rep. Ferrer.