HERMOSA–Bukas na ang 𝐇𝐞𝐫𝐦𝐨𝐬𝐚 𝐌𝐨𝐛𝐢𝐥𝐞 𝐂𝐥𝐢𝐧𝐢𝐜 na maghahatid ng iba’t-ibang serbisyong pangmedikal at laboratory services sa mga Hermoseño, ayon kay Mayor Ann Inton.

Mas mapapalapit ang de-kalidad na serbisyong medikal sa bawat barangay at hindi na kailangang lumayo pa ang mga Hermoseños upang makatanggap ng pangunahing konsultasyon, pagsusuri at kailangang gamot.

Tagumpay ang programa dahil sa pagtutulungan ng Sangguniang Bayan ng Hermosa sa pangunguna ni Mayor Anne Adorable-Inton, Hermosa Health team sa pangunguna naman ni Dr. Warren Valencia, @Konsehala Gelly Grace Santos, at ng buong RHU staff.

Nakasama rin sa programa sina Vice Governor Chris Garcia; Cong. Atty. Tony Roman; Bokal Godofredo “Doc Bong” Galicia Jr. ; at Bokal Mylene Serrano.

“Asahan po ninyo ang ating patuloy na pagsuporta at pakikipagtulungan para sa de-kalidad na serbisyong pang-medikal para sa bawat pamilyang Hermoseño at pamilyang Bataeño,” dagdag ni Mayor Inton.