SINO kaya itong opisyal sa Metro Manila na tila nakalimutang hindi naman siya ang may pista?

Sa kanyang greeting poster para sa kapistahan ng isang minamahal na Patrona, kapansin-pansing mas malaki at mas litaw pa ang kanyang larawan kaysa sa mga imaheng panrelihiyon na siyang tunay na sentro ng selebrasyon.

At take note: hindi lang headshot ang peg. Buong katawan, mga bes!

Kung hindi mo babasahin ang nakasulat, baka mapagkamalan mong campaign material ang poster at hindi pagbati para sa isang religious fiesta.

May kasabihan ngang give honor where honor is due. Pero dito, parang “give space where space is due” ang mas kailangan.

Fiesta greeting ba ito o pictorial ni Madam? Kaloka. Todo na ’to!

Clue: Artistahin itong public servant. Ay naku.