PINANGUNAHAN ni PCol. Jacinto R. Malinao, Jr., acting Provincial Director ng Batangas Provincial Police Office (PPO), ang pagtatalaga ng ilang bagong chief of police ng iba’t-ibang istasyon sa buong lalawigan.

Ginanap ang event noong Hulyo 4 sa Camp Gen. Miguel C. Malvar, Batangas City.

Binigyang-diin ng provincial director ang kahalagahan ng pamumuno, dedikasyon at pakikipag-ugnayan sa komunidad sa epektibong pagpupulis.

“Ang turnover na ito hindi lamang isang pagbabago sa pamumuno kundi isang pagkakataon upang mabago ang aming pangako sa mga mamamayan ng Batangas at nagtitiwala kami na ang mga bagong hepe ng pulisya magdadala ng mga sariwang pananaw at makabagong diskarte upang matiyak ang kaligtasan at kagalingan ng ating mga komunidad.

Nananatiling nakatuon ang pulisya sa pakikipagtulungan sa mga yunit ng lokal na pamahalaan, mga non-government na organisasyon at sa komunidad upang itaguyod ang isang magkatuwang na kapaligiran,” sabi ni Malinao.