NAKAPAGTALA ng bagong ridership record ang Metro Rail Transit 3 (MRT-3) noong Biyernes, Mayo 27.

Ayon sa MRT-3 ito ang pinakamataas na bilang ng pasahero na sumakay ng MRT-3 mula noong Hunyo 1, 2020, matapos payagan na muling bumiyahe ang tren sa gitna ng pandemya.

Sa kasalukuyan ay libre rin ang pagsakay sa MRT-3 na tatagal hanggang Hunyo 30.

Matapos ang isinagawang rehabilitasyon, mas marami na rin ang tren na bumibiyahe. Umaabot ito sa 14 hanggang 16 na tatlong-kotse na trainset at apat na train set na may apat na kotse.

Bawat kotse ay nakapagsasakay ng 394 pasahero.