ISANG bangkay ng lalaki na may saksak sa dibdib ang natagpuan sa sapa sa Calaca, Batangas noong Biyernes.

May tattoo na “Eric” sa kaliwang braso at “Sputnik” sa kanang braso, mga 35-anyos, 5’7 ang taas, walang pang-itaas na damit, naka kulay abo na shorts at balot ng masking tape ang mukha ng biktima.

Bandang alas-11:15 ng umaga natagpuan sa Brgy. Bisaya nadiskubre ang bangkay ng biktima na nakahandusay sa damuhan sa may sapa ng isang alyas Winnie.

Walang bakas ng dugo sa pinangyarihan ng krimen.

Posibleng itinapon lang ang biktima sa naturang lugar pero hindi doon pinatay, ayon sa mga pulis.