𝗡𝗔𝗚𝗣𝗔𝗔𝗕𝗢𝗧 𝗻𝗴 𝗶𝘀𝗮𝗻𝗴 𝘁𝗮𝗼𝘀 𝗽𝘂𝘀𝗼𝗻𝗴 𝗽𝗮𝗴𝗯𝗮𝘁𝗶 𝗮𝘁 𝗽𝗮𝗴𝗽𝘂𝗽𝘂𝗴𝗮𝘆 𝘀𝗶 𝗢𝗙𝗪 𝗣𝗮𝗿𝘁𝘆 𝗟𝗶𝘀𝘁 𝗖𝗼𝗻𝗴. 𝗠𝗮𝗿𝗶𝘀𝘀𝗮 “𝗗𝗲𝗹 𝗠𝗮𝗿” 𝗣. 𝗠𝗮𝗴𝘀𝗶𝗻𝗼 𝗽𝗮𝗿𝗮 𝗸𝗮𝘆 𝗗𝗲𝗽𝗮𝗿𝘁𝗺𝗲𝗻𝘁 𝗼𝗳 𝗠𝗶𝗴𝗿𝗮𝗻𝘁 𝗪𝗼𝗿𝗸𝗲𝗿𝘀 (𝗗𝗠𝗪) 𝗦𝗲𝗰. 𝗛𝗮𝗻𝘀 𝗟𝗲𝗼 𝗖𝗮𝗰𝗱𝗮𝗰 𝗺𝗮𝘁𝗮𝗽𝗼𝘀 𝗮𝗻𝗴 𝗸𝗮𝗻𝗶𝘆𝗮𝗻𝗴 𝗸𝗼𝗺𝗽𝗶𝗿𝗺𝗮𝘀𝘆𝗼𝗻 𝗯𝗶𝗹𝗮𝗻𝗴 𝗞𝗮𝗹𝗶𝗵𝗶𝗺 𝗻𝗴 𝗻𝗮𝘀𝗮𝗯𝗶𝗻𝗴 𝗮𝗵𝗲𝗻𝘀𝗶𝘆𝗮.

Ayon kay Magsino, bilang Officer-in-charge ng DMW, nakita nito kung papaano pinangasiwaan ni Cacdac ang DMW partikular na ang pagtutok at pag-asikaso nito sa pangangailangan ng mga Overseas Filipino Workers (OFWs).

Sabi pa ni Magsino na hindi lamang kinilala ni Cacdac ang legacy na iniwan ni yumaong DMW Sec. Toots Ople para sa ahensiya. Ipinagpatuloy pa ng Kalihim ang mga inisyatibang iniwan ni Ople sa DMW.

Kasunod aniya nito ang pagpapatupad o implementasyon na ginawa ni Cacdac sa mga “policy reforms” na isinulong ni Ople para sa DMW na naglalayong mas lalo pang palakasin at paigtingin ang mga programa ng DMW para sa mga OFWs.

“The OFW Party List congratulates Secretary Hans Cacdac for his confirmation as full-fledged Secretary of DMW. We have seen how he has ably led the agency especially our Migrant Workers Offices all over the world. He not only honored the legacy of Sec. Toots Ople by continuing her initiatives but also implemented policy reforms,” ani Magsino.

Samantala, inihayag ni Magsino ang matagumpay na pagbubukas ng Piyestang Camaru na ginanap sa Magalang Town Hall sa Pampanga. Kung saan, nakiisa ang kongresista sa mga masasayang aktibidad sa pagdaraos ng naturang Kapistahan.

Paliwanag ng OFW Party List Lady solon na binibigyang diin at halaga sa ginanap na okasyon ang mayamang kultura ay kasaysayan ng Magalang. Kasunod ang pagpapakita sa Piyestang Camary na isang lokal na sining, tradisyon, mga atraksiyon at aktibidad na nagbibigay umano ng kasiyahan para sa mga residente ng lalawigan at bayan ng Magalang.

“Lubos ang aming pasasalamat para sa mga taong nagtaguyod ng selebrasyon na ito. Lalo na sa mahal na Punong Bayan ng Magalang, Pampanga na si Mayor Malu Paras-Lacson,” sabi pa ni Magsino.