DEAD on the spot ang 29-anyos na call center agent nang araruhin ng isang puting sedan na mabilis tumakas matapos ang aksidente sa Novaliches, Quezon City nitong Martes ng madaling araw.

Sa inisyal na ulat, naganap ang aksidente dakong 1:50 ng madaling araw nitong Martes (Marso 25), sa Quirino Highway sa Novaliches.

Tumatawid umano ang biktimang si alias John Viaje, nang salpukin ng ‘di pa nakikilalang driver ng isang puting sedan sa Quirino Highway galing P. Dela Cruz St., reet patungong Mindanao Avenue.

Sa halip umanong tigilan at isugod sa ospital ang biktima ay mabilis pang pinaharurot ng driver ang kaniyang sasakayn at tumakas.

Nagsasagawa na ng backtracking ang QCPD sa CCTV sa lugar upang matukoy at madakip ang suspek.

“I have directed Novaliches Police Station 4 and the District Traffic Enforcement Unit (DTEU) to conduct an in-depth investigation to identify and locate the driver responsible for the incident. I also urge anyone who may have witnessed the incident to report it to the nearest police station. Your cooperation is crucial in ensuring justice for the victim and holding the suspect accountable,” pahayag ni (QCPD) Director, P/Col. Melecio Buslig, Jr.