𝗛𝗜𝗡𝗗𝗜 𝗽𝗮 𝗺𝗮𝗻 𝘂𝗺𝗶𝗶𝗻𝗶𝘁 𝗮𝗻𝗴 𝗱𝗶𝘀𝗸𝘂𝘀𝘆𝗼𝗻 𝘀𝗮 𝗶𝗸𝗮𝗽𝗶𝘁𝗼𝗻𝗴 𝗽𝗮𝗴𝗱𝗶𝗻𝗶𝗴 𝗻𝗴 q𝘂𝗮𝗱 c𝗼𝗺𝗺𝗶𝘁𝘁𝗲𝗲 𝗻𝗴 𝗞𝗮𝗺𝗮𝗿𝗮 𝗱𝗲 𝗥𝗲𝗽𝗿𝗲𝘀𝗲𝗻𝘁𝗮𝗻𝘁𝗲𝘀, s𝘂𝗺𝗲𝗻𝘁𝗿𝗼 𝗮𝗴𝗮𝗱 𝗮𝗻𝗴 𝗶𝗺𝗯𝗲𝘀𝘁𝗶𝗴𝗮𝘀𝘆𝗼𝗻 𝘀𝗮 𝘁𝗶𝗻𝗮𝗴𝘂𝗿𝗶𝗮𝗻𝗴 “𝗗𝗮𝘃𝗮𝗼 𝘁𝗲𝗺𝗽𝗹𝗮𝘁𝗲” 𝗻𝗮 𝗮𝗻𝗴 𝗹𝗮𝘆𝘂𝗻𝗶𝗻 𝗮𝘆 𝗹𝗶𝗸𝗶𝗱𝗮𝗵𝗶𝗻 𝗮𝗻𝗴 𝗺𝗴𝗮 𝘁𝗮𝗼𝗻𝗴 𝘀𝗮𝗻𝗴𝗸𝗼𝘁 𝘀𝗮 𝗽𝗮𝗴𝗴𝗮𝗺𝗶𝘁 𝗮𝘁 𝗯𝗲𝗻𝘁𝗮𝗵𝗮𝗻 𝗻𝗴 𝗶𝗹legal 𝗱𝗿ugs 𝗻𝗼𝗼𝗻𝗴 administrasyon 𝗻𝗶 𝗱𝗮𝘁𝗶𝗻𝗴 𝗣𝗮𝗻𝗴𝘂𝗹𝗼𝗻𝗴 𝗥𝗼𝗱𝗿𝗶𝗴𝗼 𝗥. 𝗗𝘂𝘁𝗲𝗿𝘁𝗲.

Sa unang salvo ng pagdinig ng House quad committee na pinamumunuan ni Surigao del Norte 2nd District Rep. Robert Ace S. Barbers, inusisa ni Abang Lingkod Party-list Rep. Joseph Stephen Paduano sa kaniyang interpellation ang naganap na pulong sa tanggapan ng Department of Public Works and Highways (DPWH) sa Davao City, tatlong araw bago pormal na maluklok si dating Pangulong Duterte noong 2016.

Ayon kay Paduano, ang pinagusapan sa naturang pulong ay ang “Davao template,” bilang bahagi ng madugo at marahas na war on drugs campaign ni dating Pangulong Duterte na ang pangunahing puntirya ay isa-isang itumba ang mga sangkot sa illegal drugs.

Sinabi ni Paduano na pinangunahan ng Philippine National Police Academy (PNPA) Class of 1996 at 1997 ang naganap na pagtitipon kung saan naroon umano ang presensiya nina Senador Ronald “Bato” Dela Rosa, Senador Christopher “Bong” Go at dating Pangulong Duterte.

Kinumpirma rin ni dating Philippine Charity Sweeptakes Office (PCSO) general manager Royina Garma na kasama sa napagusapan sa ginanap na pulong ang “Davao template.”

Nabatid pa sa imbestigasyon ng quad committee na magkakasama sa naturang pulong sina Garma, Col. Lito Patay, Col. Edilberto Leonardo at Col. Hector Grijldo.

Idiniin ni Paduano na mahigit isang buwan matapos ang nangyaring meeting sa DPWH building ay naganap ang serye ng pagpatay sa loob ng correctional facility sa Leyte, Davao Prison and Penal Farm at Parañaque City Jail na naganap noong Agosto 11, 12 at 13 noong 2016.