NAKAPAGTALA ng ridership record ang EDSA Busway noong nakaraang buwan, ayon sa Department of Transportation (DOTr).

Ayon sa DOTr, umabto sa 404,010 ang pasahero na sumakay sa EDSA Busway noong Oktobre 24. Ito ay lagpas sa 351,531 average na pasahero na sumasakay sa busway mula ng magsimula ang operasyon nito noong Hunyo 2020.

Sa kabuuan ay 130.2 milyong pasahero na ang naisasakay ng EDSA Busway na nagbibigay ng libreng sakay sa ilalim ng Service Contracting Program ng DOTr.

Inilungsad ang programa upang mabigyan ng masasakyan ang mga pasahero sa gitna ng health pandemic.