UMABOT sa 43,151 pasahero ang naapektuhan ng pagkansela sa 295 sa 618 scheduled flight sa Ninoy Aquino International Airport (NAIA) noong Oktobre 29 dahil sa pananalasa ng bagyong Paeng.

Pansamantalang isinara ng Manila International Airport Authority ang runway ng paliparan alas-4 ng hapon noong Sabado dahil sa malakas na hangin at ulan.

Alas-10 ng gabi ng muling payagan ang paglapag at pag-alis ng mga eruplano sa NAIA.

Nagbigay naman ng libreng rebooking ang mga airline companies sa mga naapektuhang pasahero.

Ang mga may katanungan ay maaari umanong makipag-ugnayan sa MIAA sa SMS Hotline: 0917-8396242, Voice Hotline: 88771-1111, Facebook, Twitter at Instagram.