𝟭𝟮 𝗽𝗮𝗻𝘂𝗸𝗮𝗹𝗮 𝗶𝗻𝗮𝗽𝗿𝘂𝗯𝗮𝗵𝗮𝗻 𝘀𝗮 𝗵𝘂𝗹𝗶𝗻𝗴 𝗽𝗮𝗴𝗯𝗮𝘀𝗮

𝗔𝗕𝗔𝗟𝗔𝗡𝗚-𝗔𝗕𝗔𝗟𝗔 𝘀𝗮 𝗽𝗮𝗴𝗽𝗲-𝗽𝗿𝗲𝘀𝗶𝗱𝗲 𝗻𝗴 𝘀𝗲𝘀𝘀𝗶𝗼𝗻 𝗻𝗴 𝗞𝗮𝗺𝗮𝗿𝗮 𝗱𝗲 𝗥𝗲𝗽𝗿𝗲𝘀𝗲𝗻𝘁𝗮𝗻𝘁𝗲𝘀 𝘀𝗶 𝗛𝗼𝘂𝘀𝗲 𝗗𝗲𝗽𝘂𝘁𝘆 𝗦𝗽𝗲𝗮𝗸𝗲𝗿 𝗮𝘁 𝗖𝗲𝗯𝘂 𝟱𝘁𝗵 𝗗𝗶𝘀𝘁. 𝗖𝗼𝗻𝗴. 𝗩𝗶𝗻𝗰𝗲𝗻𝘁 𝗙𝗿𝗮𝗻𝗰𝗼 “𝗗𝘂𝗸𝗲” 𝗗. 𝗙𝗿𝗮𝘀𝗰𝗼 𝗺𝗮𝘁𝗮𝗽𝗼𝘀 𝗻𝗶𝘁𝗼𝗻𝗴 𝗮𝗽𝗿𝘂𝗯𝗮𝗵𝗮𝗻 𝗯𝗶𝗹𝗮𝗻𝗴 “𝗽𝗿𝗲𝘀𝗶𝗱𝗶𝗻𝗴 𝗼𝗳𝗳𝗶𝗰𝗲𝗿” 𝗽𝗮𝗿𝗮 𝘀𝗮 𝗶𝗸𝗮𝘁𝗹𝗼 𝗮𝘁 𝗵𝘂𝗹𝗶𝗻𝗴 𝗽𝗮𝗴𝗯𝗮𝘀𝗮 𝗮𝗻𝗴 𝗹𝗮𝗯𝗶𝗻𝗴-𝗱𝗮𝗹𝗮𝘄𝗮𝗻𝗴 𝗽𝗮𝗻𝘂𝗸𝗮𝗹𝗮𝗻𝗴 𝗯𝗮𝘁𝗮𝘀.

Ayon sa House Deputy Speaker, kabilang sa mga inaprubahan sa ginanap na session ng Mababang Kapulungan para sa ikatlo at huling pagbasa ay ang House Bill No. 10730 o ang panukalang batas patungkol sa modernization ng PHILVOCS.

Paliwanag ni Frasco, layunin ng naturang panukalang batas na maibsan ang matinding epekto ng nagaganap na sakuna (disaster) na gaya ng isang volcanic eruption, earthquakes, tsunami, malakas na bagyo, mga pagbaha at iba pang kahalintulad nitong sakuna.

Pinasalamatan nni Frasco si House Speaker Ferdinand Martin Gomez Romualdez dahil sa napaka-husay na pamamalakad nito sa Kamara de Representantes sa ilalim ng 19th Congress dahil sa pagkakapasa ng mga mahahalaga at makabuluhang panukalang batas na malaki ang naitutulong sa pag-unlad ng bansa.

Idinagdag pa ni Frasco na nilalayon din ng nasabing panukala na magkaroon ng upgrading sa mga kagamitan nito sa pamamagitan ng mga tinatawag na “state-of-the-art” equipments para maging accurate ang pagbibigay nito ng mga impormasyon. Kasama na dito ang pagkuha at pagsasanay ng mga PHILVOCS personnel at ang paglalagay ng mga seismic stations sa mga estratehikong lugar.

“Likewise, approved on final reading are several local bills that aim to provide better and improved government services in the country. Tuloy-tuloy ang paglilingkod ng Kamara para magpasa ng mga mahahalagang panukalang batas na makakatulong ng malaki sa ating bayan at sa mga mamamayang Pilipino,” sabi ni Frasco.