KAMPO HENERAL MIGUEL MALVAR, Batangas–Nahuli ng mga otoridad ang isang pinaghihinalaang tulak na may dalang 98.03 na gramo ng shabu na nagkakahalaga ng P666,604 sa police operation sa Purok 7, Brgy. 3, Lipa City, Batangas noong Miyerkules.

Nahui si alyas Jepong bandang alas-8:05 ng gabi, ayon sa report ni Batangas police director P/Col. Jacinto Malinao, Jr. kay Police Regional Office (PRO)-4A chief P/Brigadier Gen. Paul Kenneth Lucas.

Nahuli ang suspek sa buy-bust ng mga operatiba ng City Drug Enforcement Team (CDET) ng Lipa City police sa ilalim ng koordinasyon ng Philippine Drug Enforcement Agency (PDEA).

Narekober mula sa suspek ang shabu na mahigit P600,000, buy-bust money at isang cellphone.