UNA ang Hermosa, Bataan sa mga health programs sa Gitnang Luzon, ayon sa mayor ng bayan na si Jopet Inton.

”Isang karangalang nagpapatunay ng dedikasyon sa serbisyong medikal, kinilala ang Hermosa 𝐬𝐚 𝐛𝐮𝐨𝐧𝐠 𝐆𝐢𝐭𝐧𝐚𝐧𝐠 𝐋𝐮𝐳𝐨𝐧 para sa programang 𝐒𝐞𝐫𝐛𝐢𝐬𝐲𝐨𝐧𝐠 𝐏𝐚𝐧𝐠𝐤𝐚𝐥𝐮𝐬𝐮𝐠𝐚𝐧𝐠 𝐒𝐚𝐩𝐚𝐭, 𝐆𝐚𝐫𝐚𝐧𝐭𝐢𝐬𝐚𝐝𝐨𝐧𝐠 𝐀𝐛𝐨𝐭 𝐊𝐚𝐦𝐚𝐲 𝐏𝐚𝐫𝐚 𝐒𝐚 𝐋𝐚𝐡𝐚𝐭, isang Good Practice ng Hermosa na bahagi ng Universal Health Care (UHC) initiative,” sabi ng opisyal.

Ang pagkilala ginawa noong 10th Central Luzon Excellence Awards sa Quest Plus Conference Center, Clark City, Pampanga.

May kalakip na P100,000 check ang award, ani Mayor Inton.
Ang parangal na ito tinanggap ni Mayor Inton, kasama si Konsehala Luz Samaniego at Municipal Health Officer na si Dr. Warren Valencia, kasama sina Marianne Mañago, RN, Program Coordinator-GPH Gt UHC; Mary Ann Lescano, Nurse 1; at ang Development Management Officers ng Bataan na sina Norel Reyes, DMO IV, at Francisco Hermoso, DMO V, na naging katuwang sa tagumpay na ito.

“Lubos ang ating pasasalamat sa walang kapagurang serbisyo ng ating Municipal Health Office sa mabilis, maaasahanat mataas na kalidad ng serbisyong medikal na ating ipinagkakaloob sa mga Hermoseño.

Ipinakikita ng parangal na ito na sa bawat hakbang, patuloy nating itinataas ang antas ng serbisyong inilalaan sa ating bayan,” dagdag ni Mayor Inton.