DEDO ang lalaking sinuntok ng kanyang kainuman matapos magtalo sa Brgy. Laurel, San Pascual, Batangas kamakalawa.

Ayon sa mga saksi, umiinom ang biktimang si Freddie Sawali Marasigan at isang Dieto Ortil bandang alas-12:10 ng madaling araw nang dumating ang suspek na kinilalang si alyas Tico.

Nagtalo ang biktima at ang suspek na umano’y lasing at biglang sinuntok nito ang biktima na bumagsak sa lupa. Tumakas ang suspek matapos ang panununtok.

Isinugod si Sawali sa St. Pascal De Baylon Hospital sa San Pascual, Batangas ngunit patay na ng dumating doon, ayon kay Dr. Chrysler Medrano.