NALAMBAT ng mga pulis ang isang suspek sa kasong 12 counts ng qualified rape of a minor at tatlong counts ng qualified rape sa Purok 7, Brgy. Sta Clara, Batangas City noong Huwebes, ayon kay Batangas police director P/Col. Jacinto Malinao Jr.

Natimbog and suspek na si alyas Marbby sa bisa ng warrant of arrest na inisyu ni Presiding Judge Alvin Bugayong Tanguanco ng Family Court ng Regional Trial Court Branch 8 ng Calamba City, Laguna.

Nahuli siya bandang alas-10:30 ng umaga, ayon sa report.

Walang inirekomendang piyansa para sa lahat ng kaso ni alyas Marbby, ayon sa report.

May kaso pang apat na counts ng sexual assault at isang lascivious conduct ang suspek.