PATAY ang rider na sumalpok sa truck sa Felix Ave., Cainta, Rizal noong Huwebes.

Bandang alas-2:20 ng hapon nangyari ang salpukan na ikinamatay ni Nicolas Gacoscosin Aculan, 32.

Batay sa kuha ng CCTV, habang binabaybay ng Honda PCX 150M (403-UEN) ni Aculan ang kalsada nabunggo niya ang puting Sino truck (U3 I292) na minamaneho ng isang alyas Cenando, 55.

Sa lakas ng bangga ng rider, tumilapon ito sa kalsada pero naisugod sa Cainta Municipal Hospital at doon idineklarang dead-on-arrival.