CAMP VICENTE, Lim, Canlubang, Laguna–Naaresto ang lalaking suspek na may patong sa ulo na P1.2 milyon dahil sa kasong murder at kidnapping noong Sabado sa Brgy. Rosario, Gumaca, Quezon.

Sa ulat kay Police Regional Office (PRO)-4A director P/Brig. Gen. Paul Kenneth Lucas, may reward na P1.2 milyon sa sinumang makapagtuturo sa suspek na si alyas Ka Sakay.

Dinakip si alyas Ka Sakay sa pangunguna ng Regional Intelligence Unit 4-A dakong alas-5:30 ng hapon sa bisa ng warrant of arrest na pirmado ni Judge Bienvenido Blancaflor, Presiding Judge ng Regional Trial Court Fourth Judicial Region Branch 95 Puerto Princesa City.

Walang inirekomendang piyansa para sa pansamantalang paglaya ng suspek na nakakulong sa Gumaca police station.