CALAPAN CITY, Or. Mindoro–Natupad ang programang “Libreng Gatas para kina Lolo at Lola” na pangako ng ina at mayora ng lungsod na si Malou Flores-Morillo.

Isa ang milk project sa mga pangunahing proyekto ng administrasyong Morillo mula ng maluklok bilang alkalde ng Calapan.

Libu-libong senior citizens mula sa iba’t-ibang barangay ng Calapan ang nabahaginan ng libreng gatas na makatutulong sa kanilang kalusugan.

Sinabi ng alkalde na patuloy niyang ipinatupad ang proyekto upang mas maraming nakatatanda ang makikinabang.