ITINALAGA ni Pangulong Ferdinand “Bongbong” Marcos Jr. si Marilyn Barua-Yap bilang bagong chairperson ng Civil Service Commission.

Ito ang kinumpirma ni Executive Secretary Lucas Bersamin.

Papalitan ni Yap si dating CSC chairman Karlo Nograles na nagbitiw sa puwesto dahil kakandidatong mayor ng Davao City sa May 2025 elections.

Nilagdaan ni Pangulong Marcos ang appointment paper ni Yap noong Oktubre 16, 2024.

Tatagal ang termino ni Yap ng hanggang Pebrero 2, 2029.

Bago naitalaga sa bagong puwesto, nagsilbi si Yap bilang Secretary-General ng Kamara.