LIMAY, Bataan–Tiniyak ni Mayor Richie Jason David sa publiko na kanyang aayusin ang mga gusot at mga isyu sa public cemetery ng bayang ito.

Ang action ni Mayor David bunga ng mga napapabalitang ginagamit ang sementeryo na tapunan ng mga patay na sanggol at lugar ng pot session bukod sa ninanakaw pa daw ang mga bakal sa loob mismo ng sementeryo.

Sinabi ni Mayor David na heavily congested na ang cemetery kaya ang municipality gumagawa ng paraan para ayusin sa tulong ng Sanitary at Municipal health office.

“Lumalaki populasyon natin, kaya nag-a-average ng pito hanggang 10 ang namamatay sa isang linggo,” ani Mayor David.

Umapela rin sa publiko si Mayor David na huwag maniniwala sa mga lumalabas sa social media na batikos at maling isyu na wala namang basehan kundi pinalulutang lang ng mga kritiko upang masira ang kanyang pangalan.

Umapela sa publiko ang pulitiko na ‘wag sirain ang kabanalan ng cemetary “bilang pagrespeto sa ating mga mga mahal sa buhay na pumanaw na.”

Ipinaliwanag din niya na hindi sinisingil ng munisipyo ang mga mahihirap na nagpapalibing pero sinisingil ng minimal amount lamang ang mga may kakayahan.