Calendar
![MPT](https://peoplestaliba.com/wp-content/uploads/2024/08/MPT.gif)
MPT South inilunsad Bayani Ka: Bayani ng Kalsada Book 2
INILUNSAD Inilunsad ng Metro Pacific Tollways South (MPT South), isang subsidiary ng Metro Pacific Tollways Corp. (MPTC), ang “Bayani Ka: Bayani ng Kalsada Book 2”, isang activity book na naglalayong magbigay ng inspirasyon sa mga bata na maging mga kampeon sa kaligtasan sa kalsada sa kanilang mga komunidad.
Puno ng mga nakaka-engganyong kwento, makulay na mga guhit, at interactive na nilalaman, ang aklat ay idinisenyo upang ituro sa mga bataang kahalagahan ng kaligtasan sa kalsada sa paraang nakakaaliw at nagbibigay-kapangyarihan.
Naniniwala ang korporasyon na dahil ang kaligtasan sa kalsada ay isang mahalagang paksa para sa mga batang nag-aaral, ang aklat ay isang epektibong mapagkukunan png mga kaalam at maaaring maisama sa kurikulum, na tumutulong sa mga mag-aaral na magkaroon ng kamalayan at responsilidad sa mga lansangan.
Pinagunahan ni Arlette V. Capistrano, Bise Presidente para sa Komunikasyon at Pamamahala ang paglilipat ng mga aklat na bahagi ng aktibidad ng “Bayani Ka” sa Pambansang Aklatan ng Pilipinas.
Ang mga aklat ay tinanggap ni G. Cesar Gilbert Q. Adriano, Direktor ng Pambansang Aklatan ng Pilipinas (NLP), G. Eduardo B. Quiros, Katulong na Direktor ng Pambansang Aklatan ng Pilipinas, at mga kinatawan mula sa iba’t ibang lokal na aklatan.
Kabuuang 2,000 kopya ng Bayani Ka Book 2 ang ido-donate ng MPT South sa iba’t ibang pampublikong aklatan at katuwang ang mga institusyon sa Metro Manila at CALABARZON.