WALANG tumutol sa pag-apruba ng Kamara de Representantes sa ikatlo at huling pagbasa ng panukalang onsite, in-city, near-city, or off-city relocation of informal settler families (ISF).

Ang House Bill 5 na akda nina Speaker Martin G. Romualdez at Tingog party-list Representatives Yedda Marie K. Romualdez at Jude Acidre, ay ay nakatanggap ng 254 boto.

Aamyendahan ng panukala ang Republic Act (RA) No. 7279, or the Urban Development and Housing Act of 1992.

Ayon sa mga may-akda, layunin ng panukala na tugunan ang reklamo ng mga ISF na malayo sa kanilang pinapasukang trabaho o pinagkakakitaan ang lugar kung saan sila inililipat kaya sa huli ay napipilitan silang bumalik sa pagiging ISF.

Sa ilalim ng panukala ay magiging opsyon ang pagtatayo ng relocation area sa lugar kung saan sila nakatira o malapit dito. Maaari rin na bumili ng lupa sa ibang lugar ang mga lokal na pamahalaan at dito ilipat ang kanilang mga ISF.

“The bill also provides for social preparation activities for beneficiaries and the institutionalization of a people’s plan developed by beneficiary families in coordination with the implementing local government unit,” sabi ng mga may-akda.

Ang iba pang may-akda ng panukala ay sina House Majority Leader Manuel Jose “Mannix” M. Dalipe, at Reps. Sonny Lagon, Neptali M. Gonzales II, Ralph Recto, Jose Francisco ”Kiko” Benitez, Ron Salo, Ivan Howard A. Guintu, Joseph Stephen “Caraps” S. Paduano, Mikee Romero, France Castro, Raoul Daniel A. Manuel, Harris Christopher M. Ongchuan, Florida “Rida” P. Robes, Marivic Co-Pilar, Ambrosio C. Cruz Jr., Ralph Wendell Tulfo, Erwin Tieng, Francisco Paolo P. Ortega, Samuel Verzosa, Joey Sarte Salceda, James “Jojo” A. Ang Jr., Manuel L. Fortes Jr., Joselito “Joel” S. Sacdalan, Tirso Edwin L. Gardiola, Antonio A. Ferrer, Adrian Jay. C. Advincula, Ma. Rene Ann Lourdes G. Matibag, Mark Go, Alfonso V. Umali, Khymer Adan T. Olaso, Jose Gay G. Padiernos, Antonio B. Legarda, Juan Carlos “Arjo” C. Atayde, Jocelyn Sy Limkaichong, Raul Angelo “Jil” D. Bongalon, Jonathan Clement M. Abalos II, Rodolfo “Ompong” M. Ordanes, Gerville R. Luistro, Jose Ma. R. Zubiri, Joseph Gilbert Violago, Felimon M. Espares, Faustino Michael Carlos T. Dy II, Angelo Marcos Barba, Wilter Y. Palma, Christopherson Yap, Keith Micah “Atty. Mike” Tan, Maria Carmen Zamora, Noel “Bong” N. Rivera, Ziaur-Rahman “Zia” Alonto Adiong, Princess Rihan M. Sakaluran, Shernee A. Tan-Tambut, Carl Nicolas C. Cari, Jonathan Keith T. Flores, Alfred C. Delos Santos, Emigdio P. Tanjuatco III, Ramon Jolo B. Revilla, Carmelo “Jon” B. Lazatin II, Gabriel H. Bordado Jr., Paul Ruiz Daza, Ruth Mariano-Hernandez, at Kristine Singson-Meehan.