IDINEKLARA ng Philippine Atmospheric, Geophysical and Astronomical Services Administration (Pagasa) nitong Biyernes ang pagsisimula ng Southwest Monsoon, o Habagat, season, na hudyat ng papalapit na pagsisimula ng tag-ulan sa bansa.

Sa isang pahayag, sinabi ng state weather bureau na ang mga kamakailang pagsusuri sa panahon sa nakalipas na ilang araw ay nagpakita ng pananatili ng mababang antas ng hanging habagat sa kanlurang bahagi ng Luzon at isang frontal system sa Extreme Northern Luzon.

Ayon sa Pagasa, hindi pa nagsisimula ang tag-ulan, ngunit posible na ito sa loob ng susunod na dalawang linggo.

Sa ulat, makakaranas ng paminsan-minsan hanggang sa madalas na pag-ulan at pagkidlat-pagkulog sa kanlurang bahagi ng bansa habang ang Habagat ay nagiging mas nangingibabaw.

Gayunpaman, posible rin ang mga panahon ng monsoon break.