𝗣𝗔𝗚𝗞𝗔𝗧𝗔𝗣𝗢𝗦 𝗱𝘂𝗺𝗮𝗹𝗼 𝗻𝗶 𝗛𝗼𝘂𝘀𝗲 𝗗𝗲𝗽𝘂𝘁𝘆 𝗦𝗽𝗲𝗮𝗸𝗲𝗿 𝗮𝘁 𝗖𝗲𝗯𝘂 𝟱𝘁𝗵 𝗗𝗶𝘀𝘁. 𝗖𝗼𝗻𝗴. 𝗩𝗶𝗻𝗰𝗲𝗻𝘁 𝗙𝗿𝗮𝗻𝗰𝗼 “𝗗𝘂𝗸𝗲” 𝗗. 𝗙𝗿𝗮𝘀𝗰𝗼 𝘀𝗮 𝗶𝗱𝗶𝗻𝗮𝗼𝘀 𝗻𝗮 𝗕𝗮𝗴𝗼𝗻𝗴 𝗣𝗶𝗹𝗶𝗽𝗶𝗻𝗮𝘀 𝗦𝗲𝗿𝗯𝗶𝘀𝘆𝗼 𝗙𝗮𝗶𝗿 (𝗕𝗣𝗦𝗙) 𝘀𝗮 𝗧𝗮𝗰𝗹𝗼𝗯𝗮𝗻, 𝗟𝗲𝘆𝘁𝗲, t𝗶𝗻𝘂𝘁𝘂𝗸𝗮𝗻 𝗻𝗮𝗺𝗮𝗻 𝗻𝗶𝘁𝗼 𝗮𝗻𝗴 𝗴𝗶𝗻𝗮𝗻𝗮𝗽 𝗻𝗮 “𝘁𝘂𝗿𝗻𝗼𝘃𝗲𝗿” 𝗰𝗲𝗿𝗲𝗺𝗼𝗻𝘆 𝗻𝗴 𝗶𝗽𝗶𝗻𝗮𝘁𝗮𝘆𝗼 𝗻𝗶𝘆𝗮𝗻𝗴 𝗯𝗮𝗴𝗼𝗻𝗴 𝗰𝗼𝘃𝗲𝗿𝗲𝗱 𝗰𝗼𝘂𝗿𝘁 𝗽𝗮𝗿𝗮 𝘀𝗮 𝗖𝗮𝘁𝗺𝗼𝗻 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹.

Nabatid ng People’s Taliba na mahigpit ang schedule ng kongresista sapagkat matapos ang ginanap na BPSF Serbisyo Caravan sa balwarte ni House Speaker Martin G. Romualdez, nagtungo naman ito. sa Catmon, Cebu para sa turnover ng bago nitong proyekto.

Sabi ni Frasco, ang bago nitong proyekto ay ang ipinagawa nitong covered court para magamit ng mga mag-aaral ng Catmon National High School na nagkakahalaga ng P5 milyon.

Paliwanag ng kongresista, malaki aniya ang magiging pakinabang ng bagong covered court dahil maaari itong maggamit ng mga estudyante bilang lugar para pagdausan nila ng iba’t-ibang school activities, sports events at graduation ceremony.

Ayon kay Frasco, all out support siya o buo ang kaniyang suporta para sa iba’t-ibang pangangailangan ng mga mag-aaral gaya ng ipinatayo nitong covered court. Hindi lamang para maging venue ng kanilang mga achool activities kundi para magamit bilang pananggalang laban sa malakas na buhos ng ulan at matinding init.