Calendar
Pagpaparami sa bilihan ng bigas sa bansa suportado ni Cong. Duke Frasco
𝗞𝗜𝗡𝗔𝗞𝗔𝗧𝗜𝗚𝗔𝗡 𝗻𝗶 𝗛𝗼𝘂𝘀𝗲 𝗗𝗲𝗽𝘂𝘁𝘆 𝗦𝗽𝗲𝗮𝗸𝗲𝗿 𝗮𝘁 𝗖𝗲𝗯𝘂 𝟲𝘁𝗵 𝗗𝗶𝘀𝘁. 𝗥𝗲𝗽. 𝗩𝗶𝗻𝗰𝗲𝗻𝘁 𝗙𝗿𝗮𝗻𝗰𝗼 “𝗗𝘂𝗸𝗲” 𝗗. 𝗙𝗿𝗮𝘀𝗰𝗼 𝗮𝗻𝗴 𝗽𝗮𝗻𝗮𝘄𝗮𝗴𝗮𝗻 𝗻𝗶 𝗛𝗼𝘂𝘀𝗲 𝗦𝗽𝗲𝗮𝗸𝗲𝗿 𝗙𝗲𝗿𝗱𝗶𝗻𝗮𝗻𝗱 𝗠𝗮𝗿𝘁𝗶𝗻 𝗚𝗼𝗺𝗲𝘇 𝗥𝗼𝗺𝘂𝗮𝗹𝗱𝗲𝘇 𝗽𝗮𝗿𝗮 𝗽𝗮𝗿𝗮𝗺𝗶𝗵𝗶𝗻 𝗮𝗻𝗴 𝗺𝗴𝗮 𝗯𝗶𝗹𝗶𝗵𝗮𝗻 𝗻𝗴 𝗯𝗶𝗴𝗮𝘀 𝘀𝗮 𝗶𝗯𝗮’𝘁-𝗶𝗯𝗮𝗻𝗴 𝗯𝗮𝗵𝗮𝗴𝗶 𝗻𝗴 𝗯𝗮𝗻𝘀𝗮 𝗻𝗮 𝗶𝘀𝗮𝗻𝗴 𝗻𝗮𝗽𝗮𝗸𝗮𝗯𝗶𝘀𝗮𝗻𝗴 𝗽𝗮𝗿𝗮𝗮𝗻 𝘂𝗽𝗮𝗻𝗴 𝗽𝗮𝗹𝗮𝗸𝗮𝘀𝗶𝗻 𝗮𝗻𝗴 𝘀𝗲𝗴𝘂𝗿𝗶𝗱𝗮𝗱 𝗻𝗴 𝗽𝗮𝗴𝗸𝗮𝗶𝗻 𝗮𝘁 𝗺𝗮𝗽𝗮𝗯𝗮𝗯𝗮 𝗮𝗻𝗴 𝗽𝗿𝗲𝘀𝘆𝗼 𝗻𝗴 𝗯𝗶𝗴𝗮𝘀.
Kasabay nito, suportado din ng House Deputy Speaker ang inilunsad Bagong Bayaning Magsasaka Rice Program (BBM-RP) sa pamamagitan ng binuong kolaborasyon sa pagitan ng National Irrigation Authority (NIA) at mga kasapi ng irrigation association.
Sabi ni Frasco na optimistiko siya o positibo ang kaniyang pananaw patungkol sa pinanday na kolaborasyon sapagkat magre-resulta ito sa pagkakaroon ng murang bigas na puwedeng mabili ng mga mahihirap na mamamayang Pilipino lalo na ang mga bulnerableng sektor.
Paliwanag pa ni Frasco na malaki din ang maitutulong ng programang PBBM-RP para tiyakin na walang Pilipino ang magugutom kahit na ang mga mamamayan na nasa malayo at liblib na lugar sa Pilipinas dahil maaari na silang makabili ng murang bigas dahil sa mababang presyo nito.
Pinapurihan din ni Frasco ang Department of Agriculture (DA) matapos nitong tugunan ang panawagan sa kanila na lalo pang paramihin ang mga Kadiwa Centers sa iba’t-ibang lugar upang mas maraming mamamayan ang makabili at makinabang ng murang bigas na puwede nilang mabili ng P29.00 kada kilo.
Samantala, nagpaabot din ng taos pusong pagbati sina Frasco at 1-PACMAN Party List Rep. Michael “Mikee” L. Romero, Ph.D., para sa nakalipas na 67th kaarawan ni President Ferdinand “Bongbong” R. Marcos, Jr. kasunod ng kanilang pagbibigay puri sa paglulunsad ng “Handog ng Pangulo” na naglalayong mapagkalooban ng cash assistance ang mga mahihirap na Pilipino.
Ayon kay Romero, chairman ng House Committee on Poverty Alleviation. Ipinapakita lamang ng Pangulong Marcos, Jr. sa inilunsad nitong programa na seryoso at determinado ang pamahalaan na maibsan ang nararamdamang kahirapan makaraang makinabang ang nasa 287,000 benepisyaryo mula sa iba’t-ibang bahagi ng bansa.
